النهارده جبتلكم خلطة توابل حقيقى روعة
ممكن تعملى بيها المشويات يعنى تتبلى اللحم او الفراخ بيها مع خلطة البصل المعتادة ومقولكيش على الطعامة!!
وكمان تعملى بيها الكفته وخصوصا كفتة الارز
ويا سلام بقى لما تحطيها على المحاشى تحففففففففففففففففه بجد
الخلطة السريه علي فكره جنان ومامتي علطول مجرباها فالبيت
طبعا لما لقيت التوبيك كده قولت افيدكم معايا بجد مش هتندموا وهس سهله خالص وكل عناصرها موجوده فاي مطبخ
نبدأ....علي بركه الله
هتجيبى اغلب البهارات اللى عندك فى المطبخ
حوالى ثمن كيلو بودرة كارى
معلقة طعام قرفة
روز مارى + نصف جوزة الطيب + معلفة زعتر صغيرة+ من 3:4 عيدان قرنفل +5فصوص حبهان
حطيهم فى المطحنة واطحنيهم كويس اوى
2 ملعقة طعام جنزبيل مطحون
2ملعقة طعام ثوم بودرة
4ملاعق بصل بودرة
3 اكياس مرقة فورية ولو مش عندك مش مهم!!
معلقة صغيرة من كل من شطة+ كسبرة + كمون
معلقة صغيرة بقدونس مجفف
اخلطى كل البهارات السابقة وقلبيها كويس وحطيها فى برطمان زجاج
استعمليها بقى فى كل حاجة عندك وادعيلى!هتلاقى طعمها قريب جداااااا من الفاين فودز والماجى
استخدامات للخلطة
مكن تحطى شوية منها على زبادى وعصير ليمون وتبلى بيها الفراخ او اللحم وحطيها فى الفرن مقولكيش على الطعم حاجة سريعة كده لو مفيش وقت تتبلى وبدل ما تحمرى الفراخ وبس؟؟!!
اما لو هتيليها من بليل بقي هتبقي جامده مووت
بعد ما تسلقى اللحمة او الفراخ دوبى شوية ملح صغيرين وشوية من خلطتى الخاصة !1 وعصير ليمون مع زبادى وحطيها تحت الشواية ويا دوب تحمر مممممممممممم
وكمان تحطيها على البرجر او الكفته او اى نوع لحمة هتعمليها؟؟
وفى كمان خلطة روعة
عارفة البقسماط المتبل ؟؟
هاتى بقسماط وعليه معلقتين كبار دقيق وزيهم دقيق وتبليهم بمعلقة من الخلطة دى وشعرة ملح وفلفل
و حطيهم كلهم فى برطمان زجاج واستعمليهم وقت ما تحتاجى لكل البانيهات!!
ايه رايكم ؟؟!!
جربوها بجد مش هتبطلوا تعملوها وهتحسى بان حاجة مهمه نقصاكى لو خلصت من عندك
منتظرة ردودكم الحلوة ودعواتكم الاحلى ....
يارب يعجبكم
موضوع: الخلطه السريه مبقتش سريه 
السبت مايو 21, 2011 7:29 pm
