نكت فى نكت

......واحد ومراته متخانقين فبطلوا يكلموا بعض فكتب ورقة صحيني الساعة ستة ونص علشان عندي شغل، وحط الورق على السرير ونام.. صحي الساعة عشرة فلقى ورقه مكتوب عليها الساعة ستة ونص يلا أصحى ..واحد غبى قوى حكموا عليه بالاعدام.. بعد ما علقوه فى المشنقه قعد يشاور ويخبط بأيده ورجليه ففكروه عاوز يقول حاجه مهمه.. ففكوه ونزلوه بسرعه.... فبص لهم وقال: ياجزم كنت هتخنق! .........اتنين صعايده راكبين عربيه خبطو واحد اللى سايق قال للى جنبو انزل شوف اللى خبطناه ده
مات ولا لسه نزل حط ايده على قلبه لقى فى نبض وقف قدام العربيه وقال للى سايق تعالى
يمين لا شمال شويه ارجع بقى لورا بس كده مات! ...........بيقولك مرة فأر ماشي مع خطيبته في الغابة وفجأة لقى الأسد، فحب يعمل راجل قدام خطيبته فراح للأسد قاله: أنت حيوان. الأسد رد قاله: أنت بتشتمنى أنا؟ رد الفأر وقاله: أيوه بقولك أنت. ومشي الفار وروح خطيبته لبيتها. وهو راجع قابله الأسد قاله: أنت كنت بتشتمني أنا يا فااااار؟ قاله: لا والله هو أنا أقدر؟ ده أنت ملك الغابة هو حد يقدر يشتمك؟ أنا أسف وهات راسك أبوسها. طلع الفار على رأسه عشان يبوسها فلقى خطيبته معديه. فقال للأسد: أدوس على دماغ أمك دلوقتي؟ ..........مرة واحد دخل على مراته البيت لقى معاها راجل.. قالها: والله عال.. النهاردة راجل... بكرة سجاير! ........واحد بيقول لخطيبته لما ازمرلك انزلي قالتله هو أنت اشتريت عربية قاللها لا اشتريت زمارة! .........واحد بيقول لمراته ... انا النهاردة عايز رومانسية فى البيت ... راحت الزوجة سألت امها : يعنى ايه رومانسية ؟؟ الام : مش عارفة بس احتياطى إنقعى الرز! ......ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى! ...........سلحفه وجوزها خلفو ولد سموه سرييييييييييع فلموا حاجاتهم وقالو نطلع رحله نغير جو فخدوا حاجاتهم ومشيوا سنه سنتين........لغايه ما وصلوا بعد عشرين سنه فقالت ام سريع لما نطلع الاكل بقى لحسن احنا زمانا جوعنا فافتكرت انها نسيت تجيب الملح فقالها ابو سريع:خلاص نخلى الواد سريع يخطف رجله ويجيب الملح فراح سريع وفضلو مستنينوا سنه سنتين تلات سنين.....لغايه عشر سنين وبرضو لسه مجاش فقالوا خلاص بقى ناكل لحسن الاكل يبرد فطلعلهم سريع من ورا الشجره وقال:يعنى لو كنت رحت كنتوا هتاكلو وتسيبونى!!!.........: 36_1_21:اتمنى حباينى تعجبكوا ويكون دمى خفيف عليكو مستني ردودكم

عسل النكت دى خلاص مش هقدر اقرأ الباقى لان انا هموت